४ सेप्टेम्बर २०२०/लिमासोल

शुक्रबार साइप्रसमा एक दशक यताकै उच्च तापक्रम दर्ज भएको छ । निकोसियाको अथालसा स्थित बन विभागमा ४६.२ डिग्री सेल्सियस तापक्रम मापन भएको हो । यस अघिको उच्च तापक्रम सन् २०१० अगस्ट १ तारिखमा ४५.६ डिग्री सेल्सियस मापन गरिएको थियो । एथिनौमा पनि ४६ डिग्री तापक्रम दर्ज भएको थियो  जुन अहिले सम्म कै उच्च हो।
शुक्रबारको उच्च तापक्रम दर्ज भए पछि श्रमिकको स्वास्थ्यलाई ध्यानमा राख्दै श्रम मन्त्रालयले बाहिर खुल्ला आकाशमुनि गरिने सबै किसिमको  काममा रोक लगाएको थियो । अत्यधिक गर्मि र सापेक्षित आद्रताले तातेको टापुलाई मौसम विभागको अर्को सुचनाले थप ततायो। वायुमा धुलोको मात्रा बढेको जानकारी दिदै श्वासप्रश्वास सम्बन्धि बिरामी र वृद्ध वृद्धाले थप ख्याल राख्नुपर्ने बताइको थियो ।

गर्मी बढे संगै  विद्युत खपत  अहिले सम्मकै रेकर्ड भएको  विद्युत प्राधिकरण साइप्रसले जनाएको छ । आज दिउँसो २ बजे को खपत ११६० मेगावाट थियो जसले २०१० मा दर्ज भएको ११४८ मेगावाट को रेकर्ड तोडिएको हो विद्युत प्रसारण प्रणाली साइप्रसका प्रवक्ताले बताएका छन् ।
सासै रोकिने किसिमको गर्मी निकोसियामा ४६.२ डिग्री सेल्सियस, फ्रेनरोसमा ४१, प्रोडरोमोसमा ३८, लार्नाका एयरपोर्टमा ३८, पापोस एयरपोर्टमा ३६ डिग्री सेल्सियस मापन गरिएको थियो । सापेक्षित आद्रता भने निकोसियामा १३%, पापोसमा ७२% र पोलिसमा ६६% रहेको थियो । शनिबार पनि तापक्रम ४०-४२ डिग्री र ट्रोदोस मा ३५ डिग्री रहने अनुमान गरि मौसम विभागले “ओरेन्ज अलर्ट” जारी गरेको छ । यो हप्ता मात्रै ३ पटक “रेड अलर्ट” जारी भै सकेको छ । आइतबार, सोमबार र मङलबार भने मौसम सफा रहने र गर्मी केही कम हुने मौसम विभागले बताएको छ।

साईप्रस , आयानापा
प्रवासमा रहेका शेर्पाहरुलाई एकिकृत गर्ने र सस्कृतिलाई संरक्षण गर्ने उद्देश्यले स्थापना भएको शेर्पा किदुक साईप्रसको पाचौ बार्षिक उत्सवसगैं नया कार्यसमिति गठन गरेको छ ।

साईप्रसको लिमासोल सहरमा शेर्पा किदुक साईप्रसकी अध्यकक्ष निमा याङ्जुम शेर्पाको सभापतित्वमा भएको भेलाले ङिमदिकि शेर्पालाई सर्बसम्मत रुपले अध्यक्षमा चयन गरेको हो । यस्तै बरिष्ठ उपाध्यक्षमा मिना शेर्पा ,महासचिवमा ,निमा ल्हमु शेर्पा , सचिवमा सेडुप पेम्बा रिन्जि शेर्पा , कोषाध्यक्षमा कान्छि लामा ,सह कोष अध्यक्षयमा फुलामि शेर्पा , लिमासोल सहरको उपाध्यक्षमा छिरिङ याङजुा शेर्पा ,पापोस सहरको उपाध्यक्षमा पासाङ लामा , लार्नाका सहरको उपाध्यक्ष पसि शेर्पालाई सर्बसम्मतले चयन गरिएको अध्यक्ष शेर्पाले जानकारी दिनु भएको छ भने सदस्यहरुमा ङ्कि शेर्पा , निमा लह्मु शेर्पा , पेमा याङ्जि शेर्पा, र डोल्मा शेर्पा सर्वसहमत रूपमा चयन हुनुभएको छ ।

उता समाजको पहिलो बैठकले निर्बमान अध्यक्ष निमायाङ्जुम शेर्पालाई प्रमुख सल्लाहकारमा चयन गरिएको महासचिव ङिमदिकि शेर्पाले जानकारी दिनु भएको छ । समाजकी नया अध्यक्ष निमा शेर्पाले आफु साईप्रसमा रहेका विभिन्न समाजिक सघंसस्था, मिडियाकर्मीहरु लगाएतसगं समाजिक कार्यमा सदैव मिलेर कामगर्ने प्रतिबद्धता जनाउनु भएको छ ।

३ सेप्टेम्बर २०२०
शुक्रबारको मौसम अत्यन्तै गर्मी हुने मौसम विभागले बताएको छ । मौसम विज्ञान सेवा का निर्देशक क्लेनथिस निकोलाइड्सले जानकारी दिदै साइप्रसको तापक्रम 45 देखि 46 डिग्री सेल्सियस सम्म सम्म पुग्न सक्ने अनुमानरहेको बताउनु भयो ।

मौसम सफा रहे पनि तापक्रम भने बिस्तारै बढ्दै जाने छ। साइप्रस टापुको अत्याधिक तापक्रम आज सम्मकै रेकर्ड सन् २०१० अगस्ट १ तारिख भएको थियो। बिभागका अनुसार भोलि यो रेकर्ड टुट्न सक्छ। पछिल्लो केही दिनमा तापक्रममा वृद्धि भैरहेको छ जसलाइ मौसम विभागले पहेलो र रातो सतर्कता संकेत जारी गरि सकेको छ।
(इन साइप्रस बाट )

३ सेप्टेम्बर २०२०/साइप्रस
पापोसमा एक महिला माथी छुरा प्रहार भएको छ । आज दिउँसो भएको घटनामा ३६ वार्षिय महिला एसियन भएको बताइएको छ तर कुन देश को नागरिक हो भनि खुलाइएको छैन । उक्त महिलालाई उपचारको लागि हस्पिटल लगिएको छ ।

महिलाको अपरेसन भएको छ तर अवस्था गम्भीर रहेको साइप्रस मेल ले जनाएको छ । चक्कु प्रहार गर्ने पनि एसियन नै भएको बताइएको छ । अपराधीले महिलाको कार्यस्थल मै गएर छुरा हानेका थिए ।अपराधीलाई  स्थानिय बासिले पक्राउ गरि प्रहरीलाई बुझाएको छ। प्रहरीले थप अनुसन्धान गरिरहेको छ ।

काठमाण्डौ – अब श्रम स्वीकृतिका लागि ‘नो अब्जेक्सन सर्टिफिकेट’ अनिवार्य चाहिने भएको छ ।अब श्रम स्वीकृति लिनका लागि सम्बन्धित रोजगारदाताले हालसालै जारी गरेको ‘नो अब्जेक्सन सर्टिफिकेट’ को प्रमाणपत्र सम्बन्धित देशमा रहेको नेपाली दूतावासमा प्रमाणिकरण गराएर पेश गर्नुपर्ने वैदेशिक रोजगार विभागले जनाएको छ ।

यस्तै फागुन २९ गतेभन्दा अघि नै ‘डिमाण्ड एटेस्टेसन’ अर्थात मागपत्र प्रमाणिकरण भई पूर्व स्वीकृति लिइसकेकाको हकमा पनि अन्तिम स्वीकृति लिनका लागि रोजगारदाताले हालसालै जारी गरेको ‘नो अब्जेक्सन सर्टिफिकेट’ अनिवार्य गरिएको विभागले जनाएको छ ।

नभएमा अन्तिम स्वीकृति पाइने छैन । त्यसैगरी व्यक्तिगत श्रम स्वीकृति लिएर वैदेशिक रोजगारीमा जानेको हकमा पनि सम्बन्धित रोजगारदाता कम्पनीको आधिकारिक इमेलबाट वैदेशिक रोजगार ताहाचल कार्यालयको इमेल ठेगानामा ‘नो अब्जेक्सन सर्टिफिकेट’ पठाएको भएमा मात्र अन्तिम श्रम स्वीकृति पाइनेछ ।गएको फागुनको अन्तिम सातादेखि रोकिएको श्रम स्वीकृति सरकारले अस्ति १४ गतेदेखि खुलाएको छ । कोरोना महामारी सुरु भएसँगै पुनः श्रम स्वीकृति पनि सरकारले रोकेको थियो ।

तर पुनः श्रम स्वीकृति भने गएको असार १८ गतेदेखि नै खुलेको हो ।

२ सेप्टेम्बर २०२०/साइप्रस

साइप्रसमा श्रम शोषणमा परेका दुइ नेपालीको उद्धार गरिएको छ। लिमासोल स्थित पिसौरी गाउँको एक पशु फार्ममा दुइ युवकलाई बंन्धि बनाई राखेको भनि प्रहरीले जानकारी पाए पछि उद्धार गरिएको हो। स्थानीय मिडियाका अनुसार २० र २१ वर्षका नेपाली गत फेब्रुअरी देखि काम गर्न थालेका थिए। इजिप्टका ३० बर्षिय फार्म म्यानेजरले भोकै राखेर कुटपिट गर्ने र जबर्जस्ति काम गर्न लगाउने खुलेको हो । पीडितहरुको शरीरभरि चोटैचोट रहेको छ । शारीरिक र मानसिक रुपमा बिक्षप्त भए पछि भाग्ने कोसिस गरेका पीडित मध्य एक लाई म्यानेजरले ढुङ्गाले आक्रमण गरि घाइते बनाएका थिए । आक्रमणमा खुट्टामा चोट लाग्यो, रगत बगि रह्यो तर उपचार को लागि न त अस्पताल लगियो न त सामान्य मलम पट्टटि । उपचार नपाए पछि खुट्टा को घाउ मा संक्रमण हुन थालेको थियो।

उद्घार पश्चात् करीब २ महिना पछि उपचार को लागि लिमासोल जेनेरल हस्पिटल लगिएको छ। सामान्य मानवीय सम्वेदनाको समेत ख्याल नराखी जनावर संगै भोकभोकै खोर मा थुनेर राखिएको पिडितले बताएको स्थानीय मिडियाले लेखेका छन् । पिडित अध्ययनका शिलशिलामा आएका विधार्थीहरु रहेको बताइएको छ। पीडित र फर्म म्यानेजर तिनै जना गैरकानुनी रुपमा बसेको मिडियाले उल्लेख गरेका छन् । फर्मका मालिक एक विश्वविधालयका प्रोफेसर हुन्। पिडितहरु गत को काम छोड्न चाहेका उनीहरु गत जुलाई मा भाग्ने कोसिस पनि गरेका थिए तर असफल रहे । उनिहरु माथी अप्रत्यक्ष रुपमा मालिकको निर्देशन अनुसार म्यानेजरबाट निर्मम यातना र कुटपिट भै रह्यो ।

प्रहरीले मालिक र म्यानेजर दुबै जनालाई पक्राउ गरि अदालत बाट आठ दिन को अनुसन्धान को समय लिएको छ । उनीहरु माथी श्रम शोषण, मानव तस्करी को अभियोग लगाइएको छ।प्रहरीले यश विसयमा अनुसन्धान गरिरहेको छ ।

श्रोत : स्थानीय मिडिया

कोरोना अपडेट २७ अगस्ट २०२०
साइप्रसको स्वास्थ्य मन्त्रालयले पछिल्लो २४ घण्टामा देखिएका कोरोनाका नयाँ सन्क्रमित बारे जानकारी दिएको छ। जानकारी अनुसार २७५५ परिक्षणमा ११ जनामा कोभिड् १९ पोजेटिभ देखिएको छ । मन्त्रालयका अनुसार कन्ट्याक्ट ट्रेसिङ मार्फत १२५ जना मध्य ४ जनामा कोरोना पोजेटिभ देखिएको थियो । साथै एयरपोर्ट मा लिइएको १६१९ नमुनाको  परिक्षणमा पाँच  जनामा सो भाइरस देखिएको हो ।आफ्नो इच्छाले जाँच गराउने व्याक्तीहरु बाट ६२१ नमुना संकलन गरि परिक्षण गर्दा दुई मा कोरोना भेटिएको थियो । हिजो वुधवार पनि दस जना सन्क्रमित फेला परेका थिए ।आजको तथ्यांक सहित कोरोना सन्क्रमित को संख्या १४६७ पुगेको छ भने २० जना को मृत्यु भै सकेको छ।

पारिवारिक कलहले बाउको हत्या

लार्नाकामा एक व्याक्तिले आफ्नै बाउको हत्या गरेका छन्। लार्नाकाको लेफ्कारा गाउँमा गत अगस्ट ९ तारिखमा चक्कु घोपेर २४ वर्षिय छोराले ६४ वर्षका बाउको हत्या गरेको कबुल गरेका हुन्  । मृतक पाँच छोराछोरीका बाउ फेड्रीक जोर्ज ब्रीटिस सिपृयोट हुन्।  हत्याको कारण पारिवारिक कलह भएको प्रहरीले जनाएको छ । सन २०१३-१५ मा बाउले घरेलु हिंसा गरेको भनी आमा र छोराले लार्नका प्रहरीमा सन् २०१८ मा उजुरी दिएका थिए । तर बाउले भने छोराले नै आफुलाइ कुटपिट गरेको दाबी गरेका थिए ।  जिल्ला अदालत लार्नाकाबाट केश  दर्ज गरिए पनि पछि केश फिर्ता लिइएको थियोे ।
मृतक ७ वर्ष देखि सोही  घरमा बस्दै आएका थिए। पोस्टमार्टम रिपोर्ट का अनुसार शरीर को  पछाडि धारिलो हतियारले ५ पटक प्रहार गरिएको थियो। रिपोर्ट अनुसार मृत्यु अगस्ट ९ मा भएको उल्लेख छ।

साईप्रस , आयानापा
तमु समाज साईप्रसले नेपालको बेसीसहरका एक मिर्गौला पिडितलाई २८ हजार भन्दा बढि आर्थिक सहयोग गरेको छ । तमु समाज साईप्रसकी अध्यक्ष धना गुरुगंका अनुसार बेसीसहर युल्सा हयोद गुम्बाका मेतर गुरुगं दारीलामको दुबै मिर्गौला फेल भएपछि आर्थिक सहयोग गरेको जानकारी दिएकी छिन ।

अध्यक्ष गुरुगंका अनुसार साईप्रसमा रहेका विभिन्न दिदीबहिनीहरुको सानो रकम संकलन गरेर मिर्गौला पिडितलाई सहयोग गरिएको र अगामी दिनमा पनि जुन सुकै समुदायका पिडितहरु भएमा आफनो समाज सहयोग गर्न तयार रहेको बताउनु भएको छ ।

बेसिसहरका मिर्गौला पिडितको अवस्था अत्यन्तै नाजुक रहेकोले साईप्रसबाट प्रिया गुरुगं , सिम्रन गुरुगं , कृष्णा गुरुगं , उमा गुरुगं , सुनिता , आशा , लक्ष्मिता गुरुगं , अप्सरा गुरुगं , रिना गुरुगं लगाएतले आर्थिक सहयोग गर्नु भएकोमा सहयोगी मनहरु अध्यक्ष धाना गुरुगंले धन्यबाद समेत दिनुभएको छ ।

काठमाडौं । १ सेप्टेम्बरबाट सरकारले नियमित र चार्टर्ड दुबै प्रकारका अन्तर्राष्ट्रिय उडानको तालिका तय गरेको छ । वायुसेवा कम्पनीले समेत उडान अनुमति पाएका छन् ।तर, कोरोना भाइरसको महामारीका बीचमा हुन लागेको उडान भने शर्तैशर्तका बीचमा हुने छ । संस्कृति, पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरणलाई बुझाएको उडान तालिका उल्लेख भएअनुसार नेपाल आउने नागरिक र नेपालसम्म ल्याउने वायुसेवा कम्पनीले करिब एक दर्जन शर्तको पालना गर्नुपर्छ ।

पीसीआर रिर्पोट नेगेटिभ अनिवार्य
अब नियमित उडानबाट नेपाल आउने हरेक यात्रुको पीसीआर नेगेटिभ आएको रिपोर्ट अनिवार्य बुझाउनुपर्छ । त्यो पनि ७२ घण्टा भित्रको । पीसीआर नेगेटिभ सुनिश्चित भएपछि मात्र सम्बन्धित वायुसेवाले यात्रुलाई बोर्डिंग पास दिनु पर्ने भएको छ । सबै यात्रु पीसीआर नेगेटिभ भए घर जान पाइने
अब एउटै उडानबाट आएको सबै यात्रुको साथमा पीसीआर परीक्षणको नेगेटिभ नतिजा रिर्पोट भएमा सबै यात्रु होम क्वारेन्टिनमा बस्ने गरी जान सक्नेछन् । घर गएपछि भने अनिवार्य १४ दिन होम क्वारेन्टिनमा बस्नु पर्नेछ ।यस्ता यात्रुको अनुगमन स्थानीय तह र स्थानीय तह कोभिड १९ व्यवस्थापन केन्द्रले गर्नेछ । यात्रुले आफ्नो स्वास्थ्य अवस्थाको जानकारी समेत सम्बन्धित स्थानीय तह र केन्द्रमा नियमित जानकारी गराउनु पर्ने गरी शर्त राखिएको छ ।

अनलाइन फारम अनिवार्य
अब नियमित उडानबाट आउने सबै यात्रुले जहाज चढ्नु भन्दा ७२ घण्टा भित्रको पीसीआर नेगेटिभ भएको प्रमाण र कोभिड १९ संकट व्यवस्थापन केन्द्र -सीसीएमसी)को वेवसाइटमा राखिएको फारम भरेर त्यसको बारकोड वा प्रिन्ट अनिवार्य साथ ल्याउनु पर्नेछ । कुनै यात्रुले यस्तो फारम भर्न छुटाएको भए सम्बन्धित वायुसेवा कम्पनीले अनबोर्ड गर्दाकै समयमा फारम यात्रुलाई उपलब्ध गराउनु पर्ने शर्तसमेत राखिएको छ ।पीसीआर भएको र नभएको यात्रु एउटैमा ल्याउन नपाइने
अब एउटै जहाजबाट पीसीआर नेगेटिभ आएको र परिक्षण नै नगरेका यात्रुलाई ल्याउन वायुसेवा कम्पनीले पाउने छैनन् । कुनै वायुसेवा कम्पनीले मिसाएर ल्याएमा उक्त वायुसेवाले आफ्नो खर्चमा उक्त उडानका सबै यात्रुलाई सात दिन होटेल क्वारेन्टिनमा राख्ने व्यवस्था गर्नुपर्छ ।

नियमितमा परीक्षण नगरेका यात्रु ल्याए कारवाही
सरकारले पीसीआर परीक्षण सम्भव नहुने नेपाली रहेका स्थानमा चार्टर्ड उडान राखेको छ । तर, नियमित उडानमा भने अब पीसीआर नभएका, कोरोना पोजेटिभ देखिएका र सरकारले जारी गरेको शर्त पालना नगरी यात्रु ल्याएमा भने त्यसको सजाय वायुसेवा कम्पनीले पाउने भएका छन् । त्यसरी ल्याएमा एकातर्फ कानुन अनुसार कारवाही हुने र अर्कोतर्फ यात्रुको खर्चसमेत एयरलाइन्सले भर्नुर्ने गरी शर्त राखिएको छ ।नेपाली बाहेक विदेशीको हकमा परिचयपत्र अनिवार्य
सरकारले पहिलो चरणको नियमित उडानका दौरान विदेशबाट नेपाली नागरिक बाहेक कुटनीतिक नियोगमा कार्यरत कर्मचारी, अन्तर्राष्ट्रिय विकास साझेदार संस्थाका प्रतिनिधि, संयुक्त राष्ट्रसंघका नियोगमा कार्यरत कर्मचारी र तीनका परिवारलाई मात्र आउन अनुमति दिएको छ । यस्ता व्यक्तिलाई बोर्डिङ  पास दिने क्रममा परराष्ट्र मन्त्रालय, कन्सुलर विभागले जारी गरेको परिचयपत्र र पासपोर्ट हेर्नु पर्नेछ । कन्सुलर विभागले जारी गरेको परिचय पत्र नभएमा आफु कार्यरत संस्थाले जारी गरेको परिचय पत्रलाई आधार मानेर वायुसेवा कम्पनीले जहाज चढाउन सक्ने भएका छन् ।

भिसाको जिम्मा विभागलाई
कुटनीतिक नियोगमा कार्यरत कर्मचारी, अन्तर्राष्ट्रिय विकास साझेदार संस्थाका प्रतिनिधि, संयुक्त राष्ट्रसंघका नियोगमा कार्यरत कर्मचारी र तीनका परिवारलाई दिने भिसाको सम्बन्धमा भने अध्यागमन विभागको निर्देशनअनुसार निर्णय हुने भएको छ ।विभागले अहिले अनअराइभल भिसा बन्द गरेका कारण भिसा लिन भने सम्बन्धित मुलुकस्थित नेपाली नियोगमा सम्पर्क गर्नुपर्छ ।

पहिलोपटक आउनेलाई नियुक्ति पत्रबाट छूट
कुनै पनि कुटनीकि वा पदीय जिम्मेवारी सम्हाल्न पहिलो पटक नेपाल आउने व्यक्तिको हकमा निजको नियुक्ति पत्र र पासपोर्टलाई आधार मानेर यात्राको अनुमित दिइने भएको छ  । यस्ता व्यक्तिको पनि पीसीआर परीक्षणसहित अन्य प्रावधान भने नेपालीलाई सरह लागू हुनेछ ।

स्वास्थ्यको मापदण्ड अनिवार्य
नेपाल आउने सबै यात्रुले स्वास्थ्य तथा जनसंख्या मन्त्रालयबाट जारी भएको स्वास्थ्य तथा सुरक्षा सम्बन्धी मापदण्डको अनिवार्य पालना गर्नुपर्ने भएको छ । उता, वायुसेवा र विमानस्थलका लागि नेपाल नागरिक उड्डयन प्राधिकरणले छुट्टै निर्देशन समेत जारी गरेका छन् ।वायुसेवा कम्पनीले ती निर्देशनको समेत पालना गर्दै यात्रु नेपाल ल्याउन पाउने छन् । जिल्ला कोभिड १९ संकट व्यवस्थापन केन्द्रबाट छनोट भएका होटेलको सूचि सार्वजनिक भइसकेको छ ।क्वारेन्टिनमा बस्नै पर्ने यात्रुले अग्रीम होटेल बुकिङ गर्नुपर्नेछ । सरकारले रोक्ने निर्देशन दिएको समयमा जुनसुकै बेला पनि चार्टर्ड तथा नियमित उडान बन्द हुन सक्ने समेत मन्त्रालयले राखेको शर्तमा उल्लेख छ ।

२५ अगस्ट २०२०
साइप्रसको स्वास्थ्य मन्त्रालयले आज थप १४ जनामा कोरोना संक्रमण भेटिएको जानकारी दिएको छ। मन्त्रालयका अनुसार पछिल्लो २४ घन्टामा गरिएको २७६९ नमुना परिक्षण बाट १४ जनामा कोभिड १९ पोजेटिभ देखिएको हो । सरकारी र विभिन्न प्राइभेट प्रयोगशाला मा टेस्टहरु गरिएका थिए । एयरपोर्ट बाट १४१५ नमुना संकलन गरिएको मा दुई जनामा नतिजा पोजेटिभ देखियो भने जेनेरल हस्पिटलको माइक्रो बायोलोजी ल्याबबाट १११ नमुना लिइएको थियो जसबाट एक मा कोरोना भाइरस भएको पुष्टि भएको हो ।

त्यस्तै “कन्ट्याक्ट ट्रेसिङ” मार्फत १६४ जनामा टेस्ट गर्दा पाँच जनामा कोभिड १९ पोजेटिभ देखियो भने ८५९ जनाले स्वइच्छाले चेक गराउदा ५ जनामा कोरोना पोजेटिभ भेटिएको थियो । आज को तथ्यांक संगै सन्क्रमितको संख्या १४७४ पुगेको छ।