काठमाडौँ – सभामुख देवराज घिमिरेले लेखापढी क्षेत्रलाई प्रभावकारी बनाउन चुनौतीहरू देखिएको बताएका छन्।

बिहीवार ललितपुरमा नेपाल लेखापढी कानून व्यवसायी एसोसिएसनको नवौँ राष्ट्रिय महाधिवेशनलाई उद्घाटन गर्दै उनले यस्तो बताएका हुन्।

सभामुख घिमिरेले मुलुकमा धेरै खालका समस्याहरू देखिएको र समस्या समाधानका लागि चुनौतीहरू पनि थपिएको बताए। 

उनले चुनौतीहरूभित्र पछिल्लो समय विकास भइरहेको इलेक्ट्रोनिक डिभाइसबाट गर्ने कामहरू लेखापढीसँग पनि सम्बन्धित रहेको उल्लेख गरे।

उनले अझै पनि मुलुकमा ठूलो सङ्ख्या सामान्य लेखपढ गर्न पनि नसक्ने अवस्था रहेको जिकिर गरे।

उनले विश्व एआईको अवस्थामा पुग्दा लेखापढीलाई पनि त्यस ढङ्गबाट लैजानको लागि कानूनी प्रवन्ध, व्यवहारिक उतार्ने र जनताका कामहरूलाई गाँसेर कार्यसम्पादनलाई प्रभावकारी बनाउने विषय मुख्य चुनौततिको रूपमा रहेको धारणा राखे।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

भक्तपुर । भक्तपुरको सूर्यविनायक नगरपालिका-१ सिरुटारका वडा सचिव राम श्रेष्ठ पक्राउ परेका छन्।

जुवा खेलिरहेको अवस्थामा वडा सचिव श्रेष्ठलाई प्रहरीले पक्राउ गरेको हो। उनलाई मध्यपुर थिमि नगरपालिका-४ एसएस चोकको एउटा घरमा तास खेलिरहेको बेला पक्राउ गरिएको हो। श्रेष्ठलाई नगद ६ हजार ९ सय रुपैयाँसहित पक्राउ गरिएको हो।

पक्राउ परेका वडा सचिव श्रेष्ठ मध्यपुर थिमि नगरपालिकाका एउटा वडाका वडा अध्यक्षका भाइसमेत हुन्। उनी मध्यपुर थिमि नगरपालिका-५ का वडा अध्यक्ष बालकृष्ण श्रेष्ठका भाइसमेत हुन्।

सोही समूहमा स्वास्थ्य मन्त्रालयका अधिकृत मीनबहादुर श्रेष्ठ पनि पक्राउ परेका छन्। उनलाई नगद ११ हजार दुई सय रुपैयाँसहित पक्राउ गरेको जिल्ला प्रहरी परिसर भक्तपुरले जनाएको छ। उनीहरू दुवै जनासहित ९ जनाको समूहमा तास खेलिरहेको बेला एकैचोटी उनीहरू पक्राउ परेका हुन्।

काठमाडौँ । नेपालको कुल गार्हस्थ ​उत्पादनमा सञ्चार तथा सूचना प्रविधि क्षेत्रको योगदान १.९४ प्रतिशत रहने प्रारम्भिक अनुमान गरिएको छ । बुधबार राष्ट्रिय तथ्याङ्क कार्यालयले सार्वजनिक गरेको आर्थिक वर्ष २०८१/८२ को वार्षिक राष्ट्रिय लेखा तथ्याङ्कमा यस्तो उल्लेख गरिएको हो ।

तथ्याङ्कअनुसार आ.व. २०८१/८२ मा यस क्षेत्रको कुल मूल्य अभिवृद्धि वृद्धिदर ४.८१ प्रतिशत हुने प्रारम्भिक अनुमान गरिएको छ ।

चालु आर्थिक वर्षमा कम्प्युटर प्रोग्रामिङ तथा इन्फर्मेसन सर्भिससम्बन्धी क्रियाकलापमा भएको वृद्धि, इन्टरनेट सेवा प्रदायकको कारोबार तथा ताररहित सञ्चार सेवामा भएको वृद्धिको कारणले यस क्षेत्रको कुल मूल्य अभिवृद्धिमा वृद्धि हुने प्रारम्भिक अनुमान रहेको कार्यालयले जनाएको छ ।

गत आर्थिक वर्ष २०८०/८१ मा यस क्षेत्रको वृद्धिदर ४.९१ प्रतिशत रहने संशोधित अनुमान गरिएको थियो । आर्थिक वर्ष २०७९/८० तथ्याङ्कअनुसार उक्त वर्षमा यस क्षेत्रको वृद्धिदर ४.१५ प्रतिशत कायम भएको थियो ।

पछिल्लो अध्यावधिक: बैशाख १८, २०८२ १६:३१

काठमाडौं – नेकपा (माओवादी केन्द्र)का अध्यक्ष पुष्पकमल दाहाल प्रचण्डले सरकारमा जाने कुनै रुचि नभएको बताएका छन्।

१ सय ३६ औँ अन्तर्राष्ट्रिय मजदुर दिवसको अवसरमा अखिल नेपाल ट्रेड युनियन महासङ्घले बिहीवार काठमाडौंमा गरेको एक कार्यक्रममा बोल्दै उनले यस्तो बताएका हुन्।

अध्यक्ष दाहालले यथास्थितिवादी पार्टीहरूसँग मिलेर सरकारमा जाने कुनै रुचि नभएको बताउँदै आफूहरू जनताहरूसँग ठिक रहेको बताए।

उनले सञ्चारमाध्यममा आउने विभिन्न समाचारहरूबाट अलमलमा नपर्न नेता तथा कार्यकर्ताहरूलाई आग्रह गरे। अध्यक्ष दाहालले आफूहरू फेरि एकचोटी नयाँ आर्थिक क्रान्तिद्वारा मुलुकमा देखिएका तमाम समस्याहरूको समाधान गर्न अग्रसर भएको जिकिर गरे। 

‘फेरि यथास्थितिवादी पार्टीहरूसँग मिलेर सरकारमा जाने हामीलाई कुनै रुचि छैन । हामी जनतासँगै ठिक छौँ । हामी हाम्रो वर्गसँगै ठिक छौँ। तपाईँहरू कन्फ्युजनमा नपर्नु होला, विभिन्न खालका मिडियामा आउने समाचारबाट गम्भीर नहुनु होला। हामी आन्दोलनमार्फत फेरि एकचोटी नयाँ आर्थिक क्रान्तिद्वारा यी तमाम समस्याहरूको समाधान गर्नतिर अग्रसर छौँ ।’ उनले भने,  ‘मैले तपाईँहरूलाई गम्भीरपूर्वक अपिल गर्न चाहन्छु, तपाईंहरू अगाडि आउँदा यो देशले फेरि एकचोटी नयाँ आन्दोलन र नयाँ अभियानलाई सफल बनाएर संविधानको समीक्षा, संविधान संशोधनसहित तपाईँ हामीले अहिले भोगिरहेका समस्याहरूलाई समाधान गरिनेछ।’

उनले नेपाली काँग्रेस र नेकपा (एमाले)का विद्यार्थी सङ्गठनहरू मिल्दासमेत गत स्वतन्त्र विद्यार्थी युनियनको निर्वाचनमा आफूहरूले धेरै ठाउँ जितेको र ऐतिहासिक रेकर्ड बनेको जिकिर गरे।

‘हामीलाई अरू कसैको खुट्टामा नटेकी उभिन नसक्ने भयो माओवादी भनेर आरोपित गर्न खोजियो । हामीलाई अपमानित गर्न खोजियो । तर, तपाईं हामीले देख्यौँ, जब हाम्रो पार्टीले अब कसैसँग नमिली आफ्नै खुट्टामा उभिएर चुनाव लड्ने, एक्लै अगाडि बढ्ने भन्यौँ, उपनिर्वाचनमा तपाईँहरूले देख्नुभयो, हामी देशकै एक नम्बर पार्टी बन्यौँ । काँग्रेस र एमाले मिल्दा पनि हामीले स्ववियु निर्वाचनमा धेरै ठाउँमा जितेका छौँ र ऐतिहासिक रेकर्डहरू बनेका छन् ।’ उनले भने।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौं । जहाँ प्रहरी चौकी छ त्यहाँ कानून र सुरक्षाको ग्यारेन्टी हुने विश्वास गरिन्छ । तर पाकिस्तानको कराँचीमा प्रहरी चौकी परिसरबाटै चोरी भएको छ । कराँचीको अल-फलाह प्रहरी चौकी बाहिर एक जनाको मोटरसाइकल चोरी भएको छ। जब उनी प्रहरी अधिकारीलाई भेट्न भित्र गए त्यही समयमा चोरी भएको हो ।

जियो न्यूजका अनुसार पाकिस्तानको कराँची शहरमा बढ्दो सडक अपराधको अर्को स्तब्ध पार्ने घटना प्रकाशमा आएको छ। कराँचीको कोरंगी जिल्लाको अल-फलाह प्रहरी चौकी बाहिरबाट एक जना व्यक्तिको मोटरसाइकल चोरी भएको छ जब उनी प्रहरी चौकी भित्र एक प्रहरी अधिकारीलाई भेट्न गएका थिए।

पीडित शाहिद इकबालले आफ्नो १२५ सीसीको मोटरसाइकल प्रहरी चौकीको मुख्य ढोका बाहिर पार्क गरेर प्रहरी चौकी भित्र पसे। जब उनी बाहिर आए बाइक हराएको थियो। यो घटनापछि प्रहरी चौकीमा हंगामा मच्चियो।

सबैभन्दा अचम्मलाग्दो कुरा के थियो भने सीसीटीभी फुटेजमा चोरी हुनुभन्दा केही मिनेट अगाडि नै आरोपी युवक प्रहरी चौकीमा प्रवेश गरेको देखियो। उनले ड्युटी अफिसर र अन्य प्रहरीलाई भेटे र हराएको परिचयपत्रको बारेमा गुनासो गरेको नाटक गरे। यस क्रममा उनले प्रहरी चौकीको वातावरण बुझे र बाहिर निस्केर बाइक चोरेर केही सेकेन्डमै भागे।

प्रहरीले अब सीसीटीभी फुटेजको सहयोगमा अभियुक्तको खोजी सुरु गरेको छ। फुटेजमा देख्न सकिन्छ कि आरोपी पहिले प्रहरी चौकी भित्र पसे र त्यसपछि चलाखीपूर्वक बाइक लिएर भागे। कराँचीमा सडक अपराध निरन्तर बढिरहेको बेला यो घटना प्रकाशमा आएको हो। नागरिक-प्रहरी सम्पर्क समितिको तथ्याङ्क अनुसार फेब्रुअरी २०२५ मा मात्र कराँचीमा ३,७७३ मोटरसाइकल र १९५ कार चोरी वा लुटिएका थिए।

प्रहरीले २०२४ मा अपराधमा २१% कमी आएको दाबी गरिरहेको भए पनि धरातलीय वास्तविकताले अर्कै कुरा बताउँदैछ। गत वर्ष मात्र सडक अपराधका घटनाहरूमा १०६ जनाले ज्यान गुमाए, जसमा आम नागरिक, प्रहरी र पेशेवरहरू समावेश थिए भने ३०० भन्दा बढी घाइते भएका थिए।

काठमाडौँ । जनता समाजवादी पार्टी (जसपा) नेपालकी केन्द्रीय सदस्य डा. बबी सिंह यादवले पड्काएको भनिएको पेस्तोल प्रहरीले बरामद गरेको छ । जिल्ला प्रहरी कार्यालय सर्लाहीले आज दिउँसो मलंगवा नगरपालिका वडा नम्बर-५ स्थित अञ्जनी कुमारको घरबाट उक्त उपकरण बरामद गरेको हो ।

जिल्ला प्रहरी कार्यालय सर्लाहीका डीएसपी सरोज राईले बरामद भएको वस्तुको मुचुल्का उठाउने काम भइरहेको बताए । उनले उक्त वस्तु हेर्दै नक्कली रहेको बताउँदै आधिकारिक पुष्टि गर्न काठमाडौंस्थित विधि विज्ञान प्रयोगशाला पठाइने जानकारी दिए । 

डीएसपी राईका अनुसार यो घटना वैशाख ११ गते मलंगवा नगरपालिकाकै बसन्त कुमारकी छोरी कोमल सुप्रियाको विवाहको हल्दी कार्यक्रममा भएको थियो । सामाजिक सञ्जालमा भाइरल भिडिओ फुटेजको आधारमा अञ्जनी कुमारको घरबाट उक्त शंकास्पद वस्तु बरामद गरेको राईले जानकारी दिए । 

यसअघि नेतृ डा. यादवले भाइरल भिडिओलाई लिएर स्पष्टीकरण दिएकी थिइन् । उनले एक वैवाहिक समारोहमा ‘रेन्जर टोय’ नामक खेलौनाबाट फायर गरेको र त्यसलाई अतिरञ्जित गरी सामाजिक सञ्जालमा प्रचार गरिएको बताएकी थिइन् ।

यस विषयमा सप्तरी जिल्ला प्रहरी कार्यालयले डाक्टर डा. यादवसँग पनि सोधपुछ गरिरहेको एसपी ढकेन्द्र खतिवडाले जानकारी दिए ।

*समाचारको शीर्षक परिवर्तन गरिएको छ । स.

पछिल्लो अध्यावधिक: बैशाख १८, २०८२ १५:३७

काठमाडौं–नेपाल विद्युत् प्राधिकरणले भारतबाट मागेजति बिजुली नपाए लोडसेडिङ हुने बताइरहेका बेला पिकआवरबाहेकको बिजुली पाउने भएको छ।

यसअघि दैनिक १२ घन्टा बिजुली आयात गर्दै आएको प्राधिकरणले आजदेखि १५ घन्टासम्म आयात गर्न पाउने भएको हो।

भारतबाट बिहान ६ देखि साँझ ५ बजेसम्म निरन्तर बिजुली आइरहेको प्राधिकरणका प्रवक्ता राजाभाइ शिल्पकारले बताए। 

भारतले पुरानै सहमतिअनुसार अब निरन्तर ६०० मेगावाट विद्युत् दिने प्रवक्ता शिल्पकारले बताए।

‘पहिला नै हामीले ६०० मेगावाट रातीका लागि मागेका थियौं। सुरुमा भारतले १५ घन्टासम्म दिइए पनि बीचमा अत्यधिक लोड बढ्यो। नेपालले रातीमा मागेको बिजुली दिउँसो पाइरहेको थियो। बेलुकाको पिकआवरमा अझै पनि पाइरहेका छैनौं। बिहान ६ देखि ५ बेलुका समस्या थिएन। रातीको समयमा पनि विस्तार पाउँछौं,’ प्रवक्ता शिल्पकारले भने। 

अहिले सुक्खा मौसममा नदीनालाको बहाव कम हुँदा जलाशय र सौर्य ऊर्जासहित आन्तरिक उत्पादन औषत १ हजार १७५ मेगावाट रहेको छ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।

काठमाडौं। गर्मीमा छालाको स्वास्थ्य प्रमुख चिन्ताको विषय हो। यस मौसममा, सूर्यको किरण सिधै पृथ्वीमा आउँछ, जसले गर्दा घामले डढ्न थाल्छ। यस्तो अवस्थामा, धेरै समयसम्म घाममा बस्दा छाला पोल्ने, ट्यानिङ, पिग्मेन्टेसन, चाउरीपना, गर्मीको दाग जस्ता छालाका समस्याहरूको जोखिम बढ्छ।

यस्तो अवस्थामा, यसबाट बच्न, धेरैजसो मानिसहरू प्रायः महँगो सनस्क्रिन लोशन र जेल प्रयोग गर्छन्, जसले सूर्यको तेज किरणबाट जोगाउने दाबी गर्छन्। तर तपाईं यी चीजहरूलाई आहारमा समावेश गरेर आफ्नो छालालाई क्षतिबाट पनि बचाउन सक्नुहुन्छ।

यहाँ हामी तपाईंलाई केही यस्ता उत्कृष्ट गर्मीका खानेकुराहरूको बारेमा बताउँदैछौं, जसले तपाईंलाई हाइड्रेटेड मात्र राख्दैन, तर तपाईंको छालालाई पनि जोगाउँछ।

कागतीको रसः कागतीमा पाइने भिटामिन सी र एन्टिअक्सिडेन्टले छालालाई घामको यूभी किरणहरूबाट जोगाउने काम गर्छ। नियमित रूपमा कागती पानी पिउनाले छालालाई घामबाट हुने फ्री रेडिकल क्षतिबाट पनि बचाउँछ।

लस्सी र छाछः गर्मीमा लस्सी र छाछ पिउनाले धेरै आरामदायी महसुस हुन्छ। यी दुवै दहीबाट बनेका हुन्छन् र यसमा पाइने पोषक तत्वहरूले छालालाई घामको हानिकारक किरणबाट जोगाउन मद्दत गर्छन्।

हरियो चियाः हरियो चियामा पाइने पोलिफेनोल एन्टिअक्सिडेन्टले घामबाट हुने क्षति कम गर्न र छालालाई टेनिङ हुनबाट जोगाउन मद्दत गर्छ। यस्तो अवस्थामा हरियो चियाको नियमित सेवनले सूर्यको किरणको प्रभाव कम गर्न सकिन्छ।

गोलभेडाः गोलभेडामा पाइने लाइकोपीन नामक तत्वले UV-A र UV-B  किरणहरू अवशोषित गर्छ। गोलभेडाले घामबाट हुने जलन र टेनिङ कम गर्न मद्दत गर्छ। गोलभेडा नियमित रूपमा खाँदा छालामा कडा घामको प्रभाव पनि कम हुन्छ।

नरिवल पानीः नरिवल पानी एक प्राकृतिक मोइस्चराइजर हो, जसले छालालाई ओसिलो बनाउँछ र नरम बनाउँछ। यो घामबाट हुने छालाको क्षतिबाट बच्नको लागि घरेलु उपचार पनि हो। नरिवल पानीले छालालाई भित्रबाट डिटोक्स गर्छ र रंग सुधार गर्छ।

काठमाडौँ । गुगलले आफ्नो एआई एप जेमिनाईमा फोटो एडिटिङ टुल राख्ने भएको छ । गत वर्षदेखि परीक्षणमा रहेको यो टुल अब भने प्रयोगकर्ताले प्रयोग गर्न पाउने भएको हुन् । 

यो टुलमार्फत् प्रयोगकर्ताले जेमिनाईमा उसैले तयार पारेको तस्विर वा आफ्नै फोटो अपलोड गरेर एडिट गर्न सक्नेछन् । फोटोको ब्याकग्राउन्ड परिवर्तन गर्नेदेखि लिएर, कुनै वस्तु हटाउने, अरू शेप वा इमेजहरू थप गर्ने लगायतका काम गर्न सकिनेछ ।

यसको साथै फोटोको स्टाइल पनि परिवर्तन गर्न सकिनेछ । जस्तै तपाईँले कुनै बगैँचामा बसेर फोटो खिच्नु भएको छ भने त्यो फोटोबाट बगैँचा हटाएर कुनै सडकको ब्याकग्राउन्ड राख्न सक्नुहुन्छ । साथै तपाईँले चस्मा लगाउनु भएको छैन भने चस्मा पनि जोड्न सक्नुहुन्छ । कम्पनीले यो टुल विस्तारै सबै प्रयोगकर्ता माझ पुग्ने बताएको छ । 

 यसरी तयार गरिएका तस्विरमा नदेखिनेगरी वाटरमार्क भने हुने बताइएको छ । अर्कातिर गुगलले जेमिनाईबाट एडिट गरिएको फोटो भन्ने थाहा होस् भनेर सबै फोटोमा देखिनेगरी वाटरमार्क राख्ने तयारी पनि गरिरहेको छ ।

पछिल्लो अध्यावधिक: बैशाख १८, २०८२ १४:१५