नेपाल सरकारले अब साइप्रसका सात विश्वविद्यालयमा मात्र पढ्न जान अनुमति दिने भएको छ । शिक्षा, विज्ञान तथा प्रविधि मन्त्रालयले ती सात विश्वविद्यालयका निम्ति मात्र वैदेशिक अध्ययन अनुमतिपत्र (एनओसी) जारी गर्ने जनाएको छ ।
साइप्रसका अरू कुनै विश्वविद्यालय शैक्षिकस्तर मापदण्ड र वातावरणका हिसाबले उपयुक्त नभएको भन्दै परराष्ट्र मन्त्रालयले पत्राचार गरेको शिक्षाले जनाएको छ ।
आर्थिक वर्ष २०८०/०८१ मा ९८ र ०८१ साउनदेखि असोज अन्तिमसम्म ११२ विद्यार्थीले साइप्रस जान एनओसी लिएका मन्त्रालयको तथ्यांक छ ।
यी हुन् एनओसी दिइने सात विश्वविद्यालय–
१. फ्रेड्रिक युनिभर्सिटी
२. युरोपियन युनिभर्सिटी अफ साइप्रस
३. युनिभर्सिटी अफ निकोसिया
४. यसुनिभर्सिटी अफ सेन्ट्रल ल्यान्क्यास्हायर
५. युनिभर्सिटी अफ साइप्रस
६.ओपन युनिभर्सिटी अफ साइप्रस
७. साइप्रस युनिभर्सिटी अफ टेक्नोलोजी
यस अघि भने ३ युनिभर्सिटी बाहेक अन्य कलेज वा शैक्षिक संस्थामा विधार्थी ल्याउन रोकिएको थियो । गत वर्ष निकोसिया स्थित एक कलेज मा करिब २५० जना विधार्थी NOC बिना नै साइप्रस ल्याइएका थिए ।युनिभर्सिटीको अफर लेटर दिएर NOC बिना नै प्रतिबन्धित कलेज मा ल्याइएका नेपाली विधार्थीले आवाज उठाउन खोज्दा धम्काएर सो विशय गुपचुप पारिएको थियो ।
तर नेपाल स्थित कपुरबोट मिडिया बाट पिडित विधार्थी बारे समाचार प्रशारण भए पछि यथार्थ बाहिरिएको थियो । बिना noc नै साइप्रस मा ल्याइएका नेपाली विधार्थी बारे नेपाली कन्सुलेट निकोसिया र नेपाली दूतावास इजरायल ले चासो लिए पनि समाधान निकाल्न सकेन।
केही महिना अघि मात्रै नेपाली दूतावास इजरायलका प्रतिनिधिले साइप्रस आएर सम्बन्धित निकाय र कलेज सङ छलफल गरेको थियो।
