काठमाडौं – जारी नेपाल सुपर लिग (एनएसएल) फुटबलमा आज ललितपुर सिटी र पोखरा थन्डर्सबीच प्रतिस्पर्धा हुँदैछ । खेल काठमाडौंको त्रिपुरेश्वरस्थित दशरथ रङ्गशालामा साँझ ६ बजे सुरु हुनेछ ।
जारी प्रतियोगितामा दुवै टोलीले आज दोस्रो खेल खेल्दैछन् । यस अघिको खेलमा ललितपुरले काठमाडौं रेजर्ससँग २–२ गोलको बराबरी खेलेको थियो भने पोखरा एफसी चितवनसँग २–० गोलले पराजित भएको थियो ।
लिगमा धनगढी एफसी, एफसी चितवन, ललितपुर सिटी एफसी, काठमाडौं रेजर्स, झापा एफसी, बुटवल लुम्बिनी एफसी र पोखरा थन्डर्स गरी सात टोली सहभागी छन् ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
सामाग्री श्रोत :
नेपाललाइभ
