काठमाडौं। ललितपुर सिटी एफसीले नेपाल सुपर लिग (एनएसएल) फुटबल प्रतियोगितामा पहिलो जित निकालेको छ।
त्रिपुरेश्वरस्थित दशरथ रंगशालामा आज भएको खेलमा ललितपुरले पोखरा थन्डर्सलाई ३–२ गोलअन्तरले पराजित गर्दै प्रतियोगितामा पहिलो जित दर्ज गराएको हो। पोखराको भने यो लगातार दोस्रो हार हो।
ललितपरले खेलको ११औँ मिनेटमा अग्रता लिएको थियो। ललितपुरका लागि विदेशी खेलाडी जोनाथन इडवार्डोले गोल गरे। यस्तै खेलको ४२औँ मिनेटमा पोखराका समिर तामाङले गोल गर्दै खेललाई १–१ गोलको बराबरीमा पुर्याए। खेलको पहिलो हाफको अतिरिक्त समयमा ललितपुरका इमोह इजेकले गोल गर्दै आफ्नो टोलीको अग्रता बनाए।
यसपछी खेलको ७५औँ मिनेटमा ललितपुरका लागि जोनाथन इडवार्डोले गोल गरे। खेलको दोस्रो हाफको अतिरिक्त समयमा जोए आइडोले गोल गरे। ललितपुरले ३–२ गोलअन्तरले जित निकाल्यो।
ललितपुरले दुई खेलबाट चार अंक बनाएको छ। ललितपुरले पहिलो खेल काठमाडौंसँग २–२ गोलको बराबरी खेलेको थियो। पोखरा यसअघि पहिलो खेलमा चितवनसँग २–० गोलअन्तरले हारेको थियो।
सामाग्री श्रोत :
