काठमाडौं । आजदेखि डिजिटल वालेट आइएमई पेले पनि दैनिक तीन पटकभन्दा बढी १०० रुपैयाँमाथिको कारोबारमा सेवाशुल्क लिने भएको छ । एक सूचना जारी गर्दै कम्पनीले एक आइएमई पे प्रयोगकर्ताले अर्को आइएमई पे प्रयोगकर्तालाई सेन्ड मनि (P2P) मार्फत पैसा पठाउँदा लाग्ने सेवाशुल्कबारे जानकारी दिएको हो ।
“यही मिति २०८१ चैत्र २० बाट एक आइएमई पे प्रयोगकर्ताले अर्को आइएमई पे प्रयोगकर्तालाई Send Money (P2P) मार्फत पठाइएको रु. १०० सम्मको रकममा सेवाशुल्क निःशुल्क रहने, साथै दिनको तीनपटक गरी महिनाको ३० पटकको लागि Send Money कारोबार निःशुल्क रहने जानकारी गराउन चाहन्छौं,” सूचनामा भनिएको छ ।
यो सूचनासँगै अब एक दिनमा १०० रुपैयाँ बढीका तीन ओटा कारोबारमा कुनै शुल्क लाग्ने छैन । तर, त्यसभन्दा माथिका कारोबारमा आइएमई पेले प्रति कारोबारको सेवा शुल्क लिनेछ । त्यस्तै एक महिनामा कुल ३० पटकमात्रै १०० रुपैयाँमाथिको रकम बिना सेवाशुल्क पठाउन सकिनेछ ।
यसअघि ईसेवा, खल्ती लगायतका वालेटले पनि नयाँ स्ट्यान्डर्ड ट्यारिफ र सेवाशुल्क कार्यान्वयन गर्दै दैनिक तीन पटकभन्दा बढी १०० रुपैयाँमाथिको कारोबारमा १० रुपैयाँ सेवाशुल्क ल्याइसकेका छन् ।
पछिल्लो अध्यावधिक: चैत २०, २०८१ ९:७
सामाग्री श्रोत :
टेक पाना
