काठमाडौं- स्वास्थ्य सचिव नियुक्तिको विरोधमा डा संगीता मिश्रले सर्वोच्च अदालतमा दायर गरेको रिटमाथि अन्तरिम आदेशको छलफल सकिएको छ। न्यायाधीशद्वय डा मनोजकुमार शर्मा र टेकप्रसाद ढुङ्गानाको संयुक्त इजलासमा दुवै पक्षबाट बहस भएको थियो। अन्तरिम आदेशका सम्बन्धमा आज भएको सुनुवाई सकिएपछि उक्त रिटमाथि आज नै आदेश आउने सम्भावना रहेको छ।गत फागुन २१ गतेको मन्त्रिपरिषदको बैठकले स्वास्थ्य सचिवमा डा विकास देवकोटालाई नियुक्त गर्ने निर्णय गरेको थियो। उक्त निर्णयपछि सचिवमा आफूलाई नियुक्त नगरेको भन्दै डा संगीता कौशल मिश्राले चैत १ गते सर्वोच्चमा रिट हालेकी थिइन्।
सामाग्री श्रोत :
swasthyakhabar
