काठमाडौं- स्वास्थ्य सचिव नियुक्तिको विरोधमा डा संगीता मिश्रले सर्वोच्च अदालतमा दायर गरेको रिटको सुनुवाई आज बुधबार हुने भएको छ। न्यायाधीशद्वय डा मनोजकुमार शर्मा र टेकप्रसाद ढुङ्गानाको संयुक्त इजलासमा पेशी परेको छ।यसअघि आइतबार न्यायाधीशद्वय सपना प्रधान मल्ल र बालकृष्ण ढकालको संयुक्त इजलासमा परेको पेशी हेर्न नभ्याइएनेमा परेको थियो। आज भने पेशी माथि सुनुवाई हुने सम्भावना अत्यधिक रहेको देखिन्छ। पेशी पछाडि रहेपनि उक्त बेञ्चमा परेका अधिकांस मुद्दा हेर्न नमिल्नेमा परेपछि उक्त रिटमाथि सुनुवाईको पालो आउने देखिएको छ। अघिल्लो मंगलबार पनि पेशी चढेको थियो तर हेर्न नभ्याइनेमा परेको थियो। त्यसअघि शुक्रबार भएको सुनुवाईमा सचिव नियुक्तिको निर्णय फाइल झिकाउने आदेश गरिएएको थियो।गत फागुन २१ गतेको मन्त्रिपरिषदको बैठकले स्वास्थ्य सचिवमा डा विकास देवकोटालाई नियुक्त गर्ने निर्णय गरेको थियो। उक्त निर्णयपछि सचिवमा आफूलाई नियुक्त नगरेको भन्दै डा संगीता कौशल मिश्राले चैत १ गते सर्वोच्चमा रिट हालेकी थिइन्।उनको रिटमा ३ गते प्रारम्भीक सुनुवाई गर्दै न्यायाधीश बालकृष्ण ढकालले सरकारका नाममा कारण देखाउ आदेश गर्दै अन्तरिम आदेशका विषयमा छलफल गर्न ८ गते शुक्रबारलाई पेशी तोकेका थिए।
सामाग्री श्रोत :
swasthyakhabar
