काठमाडौं । सर्लाहीको बरहथवा नगरपालिकाले स्थानीय महिलाहरूलाई भाडामा विद्युतीय तीन पाङ्ग्रे सवारी साधन (ई-रिक्सा) उपलब्ध गराउने भएको छ । महिलालाई स्वरोजगार बनाउन तथा हरित प्रविधिलाई प्रवर्द्धन गर्ने योजनासहित पालिकाले यस्तो निर्णय गरेको हो ।
यो परियोजनाका लागि एलाइन्स प्राइभेट लिमिटेड र पोर्खी नेपालसँग सहकार्य गरिएको छ । नगरपालिकाका अनुसार महिलाहरूलाई ई-रिक्सा चलाउनेदेखि सामान्य मर्मतसम्मका नि:शुल्क तालिम दिइनेछ ।
साथै तालिम प्राप्त महिलाहरूलाई ई-रिक्सा भाडामा पनि उपलब्ध गराइनेछ भने आफ्नै ई-रिक्सा खरिद गर्न चाहनेको हकमा नगरपालिकाले नै खरिदका लागि वित्तीय व्यवस्थापन गरिदिने छ ।
विद्युतीय सवारी साधनको प्रयोगले हरित प्रविधिको प्रवर्द्धन गर्ने लक्ष्य पनि राखिएको छ । नगरपालिकाले इच्छुक महिलाहरूलाई अबको ३० दिनभित्र निवेदन दिन आग्रह गरेको छ ।
नगरपालिकाको सूचना पढ्नुहो्स
पछिल्लो अध्यावधिक: चैत २०, २०८१ १३:३०
सामाग्री श्रोत :
टेक पाना
